AutoLyric

请使用功能强大的AutoLyric软件来自动搜索和下载LRC歌词。

一夫当关(粤)
作曲：DJ Tommy
填词：C 君、6 Wing
演唱：农夫
农夫-一夫当关(粤)

人人话我Rap到好正(F.A.M.A)
人人话我Rap到好正(CMD yo)
我叫做Mr.6佢系Mr.C
开始嗰时谂住写下歌词
你知我哋唔系公子哥儿
玩音乐无咁易
或者咁啱你听过你啲frind话钟意
钟意埋我妈咪农夫两个字
你开始知道不只系耕田人仕
好似系个相对地靓仔
加个相当得意嘅MC
几只CD有唔少人支持仲有更多人BT
而家连祖名都知佢自己几似我
我话过冇狗仔队跟我最后掹车边都跟咗
不过报导有啲错佢话我卖得嗰一千只
喂一千只喺我哋头一分钟已经卖出咗
我哋一路造嘅歌得到贵人相助
Featuring麦玲玲詹瑞文都搵我
评语有好有差有人话太商业化
你话听唔出我啲歌嘅中心思想
以你嘅智商画画都要画出肠
定系以后出Show出碟唔出样
咁样就合乎你对Hip Hop嘅想象?
你由得你点想我有我理想
我想你每一次个耳筒塞住耳仔嘅同时
每一次失意听到我哋写嘅每一个字
都会心微笑其他都唔重要
当我话456你仲会叫(6 wing)
我话ABC君你话(好搞笑)
咁已经够我回味再造好歌俾你哋
我有我哋继续我哋嘅Hip Hop
系时候重新讲返以前每一首作品
由月下思到郑永芝到音乐大亨
有人话越做越无心有人越听越开心
又有无人会认认真真谂谂我哋点谂
你话我少鰦讽刺时弊为过瘾而过瘾
呢啲人平日唔睇报纸靠听歌知新闻
你话香港无音乐净系得娱乐
根本音乐就系娱乐点解要将佢哋分割
做左十年Hip Hop先至发觉
最好嘅创作唔只要你识得我
仲要你识得笑唔只要你赏识我
仲要你想起我即刻笑
每只唱片背后几多晚通宵捱眼训
每次表演之后几多人睇得好兴奋
化妆粉底背后个眼袋装得落十蚊银
嬉皮笑脸玩世不恭背后几咁认真
无可能钟意我所有作品
无可能买晒我所有产品
有可能只要你听得开心
你就企起身
人人话我Rap到好正